Ածելիով նախաբազուկները կտրած աշակերտները թիվ 127 դպրոցից են. մանրամասներ

Տեղեկացրել էինք, որ Երևանի դպրոցների մեկի բակում երկու աշակերտ փորձել է ինքնասպանություն գործել`ածելիով կտրելով նախաբազուկները:

Yerkir.am-ի հետ զրույցում ՀՀ կրթության և գիտության նախարարության հանրակրթության վարչության պետ Աշոտ Արշակյանը հայտնեց, որ աշակերտները Երևանի թիվ 127 դպրոցից են: «Դեպքի պատճառը դեռևս հայտնի չէ: Դպրոցի տնօրենին հրավիրել ենք նախարարություն` դեպքի մանրամասները պարզելու համար: Դպրոցում ոստիկաններն են աշխատում»,- ասաց նա:

Հիշեցնենք, որ ոստիկանության լրատվական վարչության աշխատակից Էդգար Ջանոյանն էլ նշել էր, որ ոստիկանության Քանաքեռ-Զեյթունի բաժնում հետաքննություն է կատարվում` պարզելու դեպքի հանգամանքները: