Լոռու մարզում տղամարդն ածելիով սպառնացել է սպանել նախկին կնոջը

Լոռու մարզի դատախազությունը նույն մարզի դատարան է ուղարկել ընտանեկան բռնության վերաբերյալ հերթական քրեական գործը: Մեղադրական եզրակացության համաձայն՝ Իջևան քաղաքի բնակիչ Գ. Դավթյանը այս տարվա հուլիսի 17-ին, ժամը 17:00-ի սահմաններում, նախկին կնոջ հետ միանալու շուրջ առաջացած վիճաբանության ժամանակ, նրա նկատմամբ կատարել է բռնի գործողություն` պատճառելով առողջության թեթև վնասի հատկանիշ չպարունակող մարմնական վնասվածք ու ֆիզիկական ցավ: Բացի այդ, նույն վիճաբանության ժամանակ Գ.Դավթյանն իր ձեռքում բռնած ածելու ցուցադրմամբ սպանության սպառնալիք է տվել Ա.Պողոսյանին, որն իրականացնելու իրական վտանգ է եղել:

Դավթյանին մեղադրանք է առաջադրվել ՀՀ ՔՕ 118-րդ հոդվածի և ՔՕ 137-րդ հոդվածի 1-ին մասի հատկանիշներով: Նրա նկատմամբ, որպես խափանման միջոց է ընտրվել ՝ չհեռանալու մասին ստոագրությունը: