Բա ո՞ւմ ընտրենք. դիլիջանցի տատիկը ՀՅԴ-ի նվիրյալ է

Հայտնել ենք, որ այսօր դաշնակցական գործիչներն ընտրողների հետ հանդիպում են ունեցել Տավուշի մարզի Դիլիջան քաղաքում:

Yerkir.am-ի հետ զրույցում Դիլիջանի բնակիչ Ռոբերտ Հովհաննիսյանը նշեց, որ ընտրելու է ՀՅԴ-ին, իսկ թե ինչո՞ւ, պատասխանեց. «Իմանալով Դաշնակցության պատմությունը, նրա ավանդական գործունեությունը Հայկական հարցում, ազատ, անկախ, միացյալ Հայաստան ունենալու գաղափարը` մեծ վստահություն է ներշնչում յուրաքանչյուր անձի, և մենք, վստահելով Դաշնակցությանը, ավելի բարվոք հանրապետություն ու ծաղկման ապագա կունենանք»,- ասաց նա:  

Հովհաննիսյանի հետ զրույցի ընթացքում մեզ մոտեցան այլ բնակիչներ: Մի տատիկ էլ ասաց. «Բա ո՞ւմ ընտրենք, բոլորը էս 25 տարի է` մեզ խաբում են: Էս մարդիկ ինչ ասում են, անում են, իրենց գաղափարներին չեն դավաճանում»: