Հայտնի է ՀՀԿ-ի կարգախոսը

ՀՀԿ-ն իր քարոզարշավը կմեկնարկի «Անվտանգություն և առաջընթաց» նշանաբանով, ընդ որում բավականին ակտիվ, այդ մասին այսօր՝ ՀՀԿ Գործադիր Նիստից հետո ասել է ՀՀԿ մամուլի քարտուղար Էդուարդ Շարմազանովը։

«Կուսակցությունը որոշել է շատ ակտիվ քարոզարշավ իրականացնել, կօգտվենք ընդունված բոլոր միջոցներից: Քարոզչության հիմքը պետք է լինի ՀՀ անվտանգության ամրապնդումը, ինչպես նաև տնտեսական առաջընթացի ապահովումը, մարդու իրավունքների պաշտպանությունը, ժողովրդավարության զարգացումը»,- ասաց նա:

Շարմազանովը նաև անդրադարձել է մամուլում ընտրակաշառքի վերաբերյալ լուրերին՝ ասելով, թե իրենք ունեն շատ հստակ հանձնարարական՝ բացառապես օրենքի շրջանակներում քարոզարշավ իրականացնել։