Գիտնականները վերծանել են լիովին կաթվածահար մարդկանց մտքերը

Շվեյցարացի նյարդաֆիզիոլոգներն ստեղծել են նոր նեյրոչիպ, որը թույլ է տալիս ուղղակի իմաստով կարդալ այն մարդկանց մտքերը, որոնք լիովին կաթվածահար են ավտոմոբիլային աղետներից կամ ծանր հիվանդություններից հետո, ասված է PLOS Biology հանդեսում հրապարակված հոդվածում, հայտնում է РИА Новости-ն:

«Այս զարմանալի արդյունքը հերքեց իմ այն տեսությունը, թէ «փակ մարդու համախտանիշով» լիովին անդամալույծ մարդիկ իրականում սկզբունքորեն ունակ չեն հաղորդակցվելու արտաքին աշխարհի հետ: Մեր փորձերը ցույց տվեցին, որ չորս կամավորները կարողանում էին պատասխանել այն անձնական հարցերին, որոնք մենք նրանց տալիս Էինք՝ օգտագործելով սոսկ մտքի ուժը: Եթե այս արդյունքները հաջողվի կրկնել, ապա այդ ժամանակ մենք կկարողանանք վերադարձնել այն մարդկանց խոսքի ընդունակությունը, որոնք տառապում են շարժողական նեյրոնների դիսֆունկիցիայով», - պատմել է Նիլս Բիրբաումերը Թյուբինգենի (Գերմանիա) համալսարանից: