Ասադը գլխուղեղի կաթված է ստացել. ԶԼՄ-ներ

Ըստ արաբական մի շարք ԶԼՄ-ների, այդ թվում` սիրիական ռեժիմի կողմնակից «Ալ Դիյար»-ը, պնդում են, որ Սիրիայի նախագահ Բաշար ալ Ասադը գլխուղեղի կաթված է ստացել և այժմ գտնվում է հիվանդանոցում:

The Independent-ի հաղորդմամբ՝ Սիրիայի կառավարությունը պաշտոնապես հերքել է տեղեկությունը: Facebook-ում հրապարակված հայտարարության մեջ նշվում է, որ Ասադը գերազանց առողջություն ունի և բնականոն կերպով կատարում է իր գործառույթները:

«Սիրիայի ժողովուրդը նման ստերի նկատմամբ իմունիտետ ունի: Նման խոսակցությունները միայն կարող են հրահրել»,- նշվել է հայտարարության մեջ:

Independent-ը հիշեցնում է նաև, որ ավելի վաղ Սաուդյան Արաբիայի կողմից ֆինանսավորվող Asharq al-Awsat  թերթը գրել է, որ Սիրիայի նախագահը հոգեկան խնդիրներ ունի շուրջ 6 տարի՝ երկրում շարունակվող պատերազմի պատճառով: