7 տարի առաջ - 2016-12-27 18:45 
Դեկտեմբերի 27-ին ՀՀ ԱԺ նախագահ Գալուստ Սահակյանն Ազգային ժողովի Ոսկեզօծ դահլիճում ամանորյա տոնական ընդունելության էր հրավիրել ԱԺ աշխատակազմին:
ՀՀ ԱԺ նախագահը շնորհավորել է ԱԺ աշխատակազմին Ամանորի եւ Սուրբ ծննդյան տոների կապակցությամբ: Նշելով, որ անցնող տարում աշխատակազմը կարողացել է իր առջեւ դրված խնդիրներն արժանապատվորեն հաղթահարել՝ պարոն Սահակյանը շնորհակալություն է հայտնել ԱԺ աշխատակիցներին երկարամյա համատեղ աշխատանքի համար:
«Տա Աստված այս տարին ավելի լավը լինի ձեզ համար, հայ ժողովրդի համար նոր ձեռքբերումների տարի լինի, մեր երեխաներն ավելի լավ ապագա ունենան»,-ասել է Գալուստ Սահակյանը:
Աշխատանքային պարտականությունները բարեխիղճ կատարելու համար ՀՀ ԱԺ պատվոգրով, ՀՀ ԱԺ նախագահի հուշամեդալով, ՀՀ ԱԺ նախագահի շնորհակալագրով եւ ՀՀ ԱԺ նախագահի հուշանվերով` անվանական ժամացույցով, պարգեւատրվել են ԱԺ նախագահի աշխատակազմի եւ ԱԺ աշխատակազմի բազմաթիվ աշխատակիցներ:
2024-10-21 23:58
