Հանրապետության մեծ մասում ձյուն է տեղում

ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ դեկտեմբերի 26-ին՝ ժամը 09:30-ի դրությամբ, Մասիսի, Արտաշատի, Արմավիրի, Թալինի, Արթիկի, Ախուրյանի, Աշտարակի, Եղվարդի, Ապարանի, Աբովյանի, Սևանի, Եղեգնաձորի, Վայքի ավտոճանապարհներին տեղում է ձյուն: 
 
Բքի պատճառով դժվարանցանելի է Վարդենյաց լեռնանցքը: 

Ապարանի, Նոյեմբերյանի ճանապարհներին տեղ-տեղ մերկասառույց է:

Ճանապարհաշինարարները կատարում են աղով, ավազով մշակման և մաքրման աշխատանքներ: 

Հորդորում ենք վարորդներին վերը նշված ճանապարհներով երթևեկել  խիստ անհրաժեշտության դեպքում, ձմեռային անվադողերով, ունենալ նաև անվաշղթաներ:  

ՀՀ   միջպետական և հանրապետական  նշանակության ավտոճանապարհները  բաց են: