Վթարի է ենթարկվել պաշտպանության նախարարին սպասարկող մեքենան. կա երկու զոհ

Այսօր` ժամը 11.52-ի սահմաններում, ՃՏՊ է տեղի ունեցել Սյունիքի մարզի Գորիս քաղաքի «Գոմեր» կոչվող տարածքում: Yerkir.am-ի տեղեկություններով` վթարի արդյունքում շրջվել  ու ձորն է գլորվել ՀՀ պաշտպանության նախարար Վիգեն Սարգսյանի ծառայողական մեքենան: Մեր տեղեկություններով` նախարարը մեքենայում չի եղել: 

Shamshyan.com-ն էլ գրում է, որ վթարի հետևանքով վարորդն ու ուղևորը տեղում մահացել են։ Ֆոտոլրագրողի տեղեկություններով՝ մահացածների անուններն են՝ Ալիկ և Արմեն, նրանք ՀՀ պաշտպանության նախարարի անվտանգության ծառայության աշխատակիցներն են։ 

Դեպքի վայր է մեկնել մեկ մարտական հաշվարկ և հրշեջ-փրկարարական ջոկատի օպերատիվ խումբը: Մանրամասները՝ քիչ ուշ: