Փոխարժեքներ
23 10 2024
|
||
---|---|---|
USD | ⚊ | $ 387.21 |
EUR | ⚊ | € 419.23 |
RUB | ⚊ | ₽ 4.01 |
GBP | ⚊ | £ 502.33 |
GEL | ⚊ | ₾ 141.84 |
Հայաստանի բռնցքամարտի ֆեդերացիայի 9-րդ համաժողովից հետո ֆեդերացիայի նախագահ Արթուր Գևորգյանը լրագրողների հետ զրույցում ամփոփեց տարին, ինչպես նաև խոսեց նախկին մարզիչ Կարեն Աղամալյանի աշխատանքի մասին:
«Տարին չի կարելի անհաջող համարել, քանի որ աննախադեպ մասնակցություն ունեցանք օլիմպիական խաղերին, իսկ մեր գլխավոր խնդիրը դա է: Սակայն առավելագույն արդյունքը, որն ակնկալում էինք, չստացվեց: Թիմում չունեինք աշխարհի և Եվրոպայի չեմպիոններ, որպեսզի համոզված լինեինք, որ մեդալներ ենք նվաճելու օլիմպիական խաղերում, սակայն տղաներն ունեին այդ հնարավորությունը»,- ասաց նա:
Հարցին, թե Կարեն Աղամալյանի աշխատանքը չէ՞ր բավարարում, Գևորգյանը պատասխանեց. «Մենք չենք աշխատում բավարարի համար։ Չի կարելի ամբողջ կյանքում բավարարվել: Պետք է գտնել լավագույնին, ով իր հետևից կտանի ամբողջ թիմին: Մեր նպատակն է հաջորդ օլիմպիական խաղերից մեդալներով վերադառնալ։ Երկու տարի է` հնարավորություն ենք տալիս մարզիչների նոր խմբին` աշխատելու և իրենց դրսևորելու: Չկա արդյունք, ուրեմն` բարի ճանապարհ»։