Հավելյալ վարկ՝ «Բագրատաշեն», «Բավրա» սահմանային կետերի արդիականացման համար

Կառավարության վաղվա նիստի օրակարգում ֆինանսների նախարարությունը ներառել է ՀՀ կառավարության և Միավորված ազգերի զարգացման ծրագրի միջև համաֆինանսավորման համաձայնագրի թիվ 1 փոփոխության կնքման առաջարկությանը համաձայնություն տալու մասին հարցը:

ՀՀպետական սահմանի «Բագրատաշեն», «Բավրա» և «Գոգավան» անցման կետերի արդիականացում» ծրագրի շրջանակներում ՀՀ կառավարության և Միավորված Ազգերի Զարգացման Ծրագրի (ՄԱԶԾ) միջև 2012թ. օգոստոսի 27-ին ստորագրվել է համաֆինան­սա­վորման համաձայնագիր, ըստ որի` ՀՀ կառավարությունը պարտավորվում է ՄԱԶԾ-ին, որ Ծրագիրն իրականացնողին, հասանելի դարձնել Ծրագրի ֆինանսավորման նպատակով Եվրոպական ներդրումային բանկից ներգրավված վարկային և Եվրոպական Միությունից ստացված դրամաշնորհային միջոցները:

2016թ. ապրիլի 15-ին ՀՀ և Եվրոպական ներդրումային բանկի միջև ստորագրվել է «2012թ. օգոստոսի 7-ին ՀՀ-ի և ԵՆԲ-ի միջև ստորագրված «Սահմանային անցակետեր և ենթակառուցվածք» ֆինանսական պայմանագրի փոփոխություն 3» նամակ-համաձայնագիրը, որով Ծրագրի ֆինանսավորման նպատակով ԵՆԲ-ը տրամադրում է 534.000 եվրո գումարի չափով հավելյալ վարկային միջոցներ: