Հանձնարարական՝ կադաստրին

Այսօր` կառավարության նիստից առաջ, վարչապետ Կարեն Կարապետյանը հանձնարարեց կադաստրի պետական կոմիտեին` տասնօրյա ժամկետում ներկայացնել առաջարկություններ հանրային ծառայությունների վերաբերյալ, տեղեկատվական համակարգերի միջոցով տեղեկատվություն ստանալու վերաբերյալ:

Տնտեսական զարգացման և ներդրումների նախարարին հանձնարարվեց, համագործակցելով ՀԾԿՀ-ի հետ, մոնիտորինգի ենթարկել բիզնեսի, հանրային ծառայությունների միացման գործընթացը, մեկամսյա ժամկետում ներկայացնել առաջարկություններ դրանց միացման խոչընդոտները վերացնելու ուղղությամբ և գործընթացը պարզեցնելու վերաբերյալ:

«Մենք պետք է մեր երկրում հնարավորություն ունենանք, որ օնլայն ռեժիմով ցանկացած քաղաքացի հետևի, եթե բիզնես է ուզում հիմնել, իմանա, հնարավորություն կա՞ ենթակառուցվածքների համար՝ լինի գազ, ջուր, կիլովատտ և այլն: Այս տեղեկատվությունը պետք է լինի հասանելի»,- ասաց վարչապետը: