Ադրբեջանից ու Թուրքիայից հանձնարարական են ստացել ազգային մարդկանց բերման ենթարկել․ Գառնիկ Դանիելյան

Վաղ առավոտից Հանրապետության հրապարակին հարակից փողոցներում անհնազանդության գործողություններ են տեղի ունենում։ Ոստիկանությունը բերման ենթարկեց մի շարք քաղաքացիների, այդ թվում Հայ դատի մարտիկ Համբիկ Սասունյանին։ 

«Ադրբեջանից, Թուրքիայից հանձնարարական է եկել, որ «Հայկական ցեղասպանության արդարության մարտիկներ» գաղտնի կազմակերպության անդամ Համբիկ Սասունյանին բերման ենթարկեն»,- անհնազանդության ակցիայի ժամանակ ասաց ՀՅԴ Տավուշի Մարզային կոմիտեի ներկայացուցիչ, ԱԺ «Հայաստան» խմբակցություն պատգամավոր Գառնիկ Դանիելյանը։

Նա նշեց, որ «Ալիևը զանգել է իր այստեղ նստած գանձին, ասել է Համբիկ Սասունյանին բերման ենթրակել»։

«Համբիկ Սասունյանին կարող են բերման ենթարկել թուրքերին ու ադրբեջանիցները, մեկ էլ կարմիր բերետավորները։

Հանձնարարարական են ստացել, որ պետք է ազգային մարդկանց բերման ենթարկեն»,- ասաց Դանիելյանը։ 

Նա նշեց, որ տարեցներին, երեխաներին, կանանց բռնի բերման են ենթարկում. «Սրանք կարմիր գծեր ունե՞ն»։