Հայաստանի մինչև 17 տարեկանների հավաքականը հաղթեց Իսլանդիային և դուրս եկավ էլիտ ռաունդ

Իսրայելում ընթացող Եվրոպայի մինչև 17 տարեկանների 2017 թ. առաջնության ընտրական փուլում   Հայաստանի հավաքականը հաղթեց  Իսլանդիային և դուրս եկավ էլիտ Ռաունդ փուլ: Հանդիպման 19-րդ րոպեին Մարտին Գրիգորյանն առաջ մղեց Հայաստանի հավաքականին: 25-րդ րոպեին Ագուստ Հլինսոնը հավասարեցրեց հաշիվը: 36-րդ րոպեին  Գերման Կուրբաշյանը հստակորեն իրացրեց 11-մետրանոցը՝ կրկին առաջ մղելով մեր հավաքականին, իսկ 63-րդ րոպեին նույն Կուրբաշյանը հաշիվը դարձրեց 3:1: 80-րդ րոպեին Լարուս Բյոռնսոնը հաշիվը դարձրեց 3:2:

Այսպիսով, մեր հավաքականը հաղթեց 3:2 հաշվով և վաստակեց 4 միավոր: Մեր թիմը խմբում գրավեց երրորդ տեղը և ընդգրկվելով մրցաշարի որակավորման փուլի բոլոր 13 խմբերում երրորդ տեղ գրաված լավագույն 5 թիմերի շարքում՝ դուրս եկավ հաջորդ  էլիտ ռաունդ փուլ: