Փոփոխություններ լինելու են, և դրանք կտեսնեք Չեռնոգորիայի հետ խաղում․ Արթուր Պետրոսյան

Ֆուտբոլի Հայաստանի հավաքականի գլխավոր մարզիչ Արթուր Պետրոսյանն այսօր լրագրողների հետ զրույցում խոսեց Յուրա Մովսիսյանին հավաքական չհրավիրելու մասին։  

«Ես ցանկանում եմ Յուրային տեսնել հավաքականում: Խոսել ենք պարոն Հայրապետյանի հետ, և դուք գիտեք իրավիճակը։  Ռոբերտ Արզումանյանի մասով գիտեք, որ նա ինքն է հրաժարվել հանդես գալ հավաքականում։ Փոփոխություններ լինելու են, և դուք ամսի 11-ին կտեսնեք այդ փոփոխությունը»,- ասաց նա։

Ռուբեն Հայրապետյանն իր հերթին ասաց հետևյալը. «Եթե ես տեսնեմ, որ մարզիչը սխալ կանի, պարտադիր պետք է խառնվեմ և հրապարակայնորեն կհայտարարեմ, որ չի կարելի անել այսպիսի բաներ, քանի որ ամենամեծ պատասխանատուն ես եմ։ Պետրոսյանն ազատ  է կազմի ընտրության հարցում։ Եկեք այսքանով սահմանափակվենք և այլևս չանդրադառնանք այս հարցին»։