Մխիթարյանը ահռելի աշխատանք կատարեց Ռումինիայի հետ խաղում․ Արթուր Պետրոսյան

ԱԱ-2018-ի ընտրական փուլի հերթական խաղում Հայաստանի հավաքականը վաղը «Հանրապետական» մարզադաշտում կմրցի Դանիայի ընտրանու հետ։

Այսօր տեղի ունեցավ Հայաստանի ազգային հավաքականի գլխավոր մարզիչ Արթուր Պետրոսյանի նախախաղային մամուլի ասուլիսը։

 -Ինչի՞ համար ենք խաղադաշտ դուրս գալու վաղը:

-Հաղթելու:

-Ռումինիայի հետ խաղում նոր խաղային սխեմա կիրառեցիք։ Ինչպե՞ս կգնահատեք հավաքականի խաղը։

-Մինչև կարմիր քարտը մեզ մոտ լավ էր ստացվում։ Կարողանում էինք և լավ պաշտպանվել, և գրոհներ կազմակերպել, կարմիր քարտ ստանալուց հետո սկսեցինք այլ տակտիկայով գործել։

- Կարմիրից հետո հարձակվող դուրս բերեցի խաղադաշտ, ֆուտբոլիստներին ցույց տալու, որ դեռ շանսեր ունենք: Կարծում եմ՝ մինչև 92 րոպեն շատ լավ ստացվեց, բայց հոգնածությունն ու մրցակցի անտանելի ճնշումը վերածվեց գոլի:   

Հարցին, թե գո՞հ է մարզիչը Մխիթարյանի խաղից, Պետրոսյանը պատասխանեց․ «Կարծում եմ, Մխիթարյանը շատ լավ խաղ ցուցադրեց, ահռելի աշխատանք կատարեց: Նայեք վիճակագրությանը և կտեսնեք, որ նա առաջին տեղում է իր վազած կիլոմետրով»: