Ծաղկաշենի դպրոցում տեղի ունեցավ Կարապետ Համբարձումյանի կիսանդրու բացման արարողությունը

Արագածոտնի մարզի Ծաղկաշեն համայնքի` Կարապետ Համբարձումյանի անունը կրողը դպրոցի բակում  տեղի ունեցավ խորհրդային տարիներին իր քաղաքական հայացքների համար սպանված Կարապետ Համբարձումյանի կիսանդրու բացման արարողությունը:  Ներկա էին ԱԺ փոխնախագահ Հեղինե Նաղդալյանը,  Արագածոտնի մարզպետ Գաբրիել Գյոզալյանը, ԱԺ պատգամավորներ, կրթության, մշակույթի, առողջապահության ոլորտների բազմաթիվ հյուրեր:

Կիսանդրու տեղադրումը նախաձեռնել է նրա դուստրը` ճանաչված  բժշկուհի, «Նորք-Մարաշ» բժշկական կենտրոնի տնօրեն Լիդա Մուրադյանը:  

Կարապետ Համբարձումյանը Ծաղկաշեն համայնքի` Դաշնակցություն կուսակցության առաջնորդներից է եղել և իր գաղափարների համար էլ հետապնդվել է սովետական իշխանությունների կողմից, աքսորվել ու այնտեղ զոհվել:

Խոսելով հոր կյանքի եւ գործունեության մասին` Լիդա Մուրադյանն ասաց, որ իր այս նախաձեռնությունը նվիրվում է հոր ծննդյան 100-ամյա հոբելյանին: Դրանով դուստրն իր պարտքն է կատարում հոր հիշատակի առջեւ, եւ կիսանդրին նրա անունը կրող դպրոցի բակում սերունդներին կփոխանցի  հայրենիքի նվիրյալ մարդու անունը: 

ՀՀ Արագածոտնի մարզպետարանի տեղեկատվության եւ հասարակայնության հետ կապերի բաժին