Տեղի ունեցավ Եվրոպայի պատանեկան օլիմպիական փառատոնի բացման արարողությունը

Ավստրիայի Չագունս քաղաքում հունվարի 25–ին տեղի ունեցավ Եվրոպայի պատանեկան օլիմպիական ձմեռային 12-րդ փառատոնի բացման արարողությունը: Հանդիսավոր    բացումը  կատարել են Ավստրիայի նախագահ Հայնց Ֆիշերը և Լիխտենշտեյնի թագաժառանգ Ալոիզը:

Մրցումները տեղի են ունենում նշած երկրների ութ քաղաքներում  և կավարտվեն հունվարի 30-ին:

Եվրոպայի 45 երկրների  14–18 տարեկան մարզիկ–մարզուհիներն օլիմպիական ութ մարզաձևերում կպայքարեն մեդալների 29 հավաքածուի համար:

 Հավելենք, որ  Հայաստանը ներկայացնում են դահուկավազորդներ` թիմի դրոշակակիր` հրազդանցի  Ռաֆիկ Վիրաբյանը, վանաձորցի Արման Մատինյանը, ծաղկաձորցի լեռնադահուկորդ Դմիտրի Տրիշչիլյովը և երևանցի գեղասահորդուհի Անաստասիա Գալուստյանը: Այս մասին հայտնում է ՀԱՕԿ-ի պաշտոնական կայքը: