Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Այսօր կառավարության նիստում կառավարության աշխատակազմի ղեկավար-նախարար Դավիթ Հարությունյանը զեկուցեց կառավարության կառուցվածքային փոփոխությունների մասին: Ըստ այդմ` էկոնոմիկայի նախարարությունը վերանվանվում է ներդրումների և ձեռնարկատիրությանն աջակցման նախարարություն: Էներգետիկայի և բնական պաշարների նախարարությունը վերանվանվում է էներգետիկ ենթակառուցվածքների և բնական պաշարների նախարարություն: Տրանսպորտի և կապի նախարարության անվանման մեջ ավելանում է` «տեղեկատվական տեխնոլոգիաների»: Քաղաքաշինության նախարարությունը ցանկից դուրս է գալիս և դառնում կոմիտե:
Վարչապետ Կարեն Կարապետյանն էլ մանրամասն ներկայացրեց այն տրամաբանությունը, որով առաջնորդվել են փոփոխություններ կատարելիս:
Այս թեմայով Yerkir.am-ը զրուցեց Հանրապետական խմբակցության պատգամավոր Մկրտիչ Մինասյանի հետ:
Ըստ պատգամավորի` այս կառուցվածքային փոփոխությունները բարենորոգումների սկիզբն են ու, բնականաբար, ժամանակավոր չեն:
Մեր դիտարկմանը` արդյո՞ք նախարարությունների անվանումների փոփոխությունը կազդի նրանց աշխատանքի արդյունավետության վրա, Մինասյանը պատասխանեց. «Միայն նախարարության անվանում չի փոխվում, նաև որոշակի ֆունկցիաներ են փոխվում. բարեփոխումները սկսվում են նաև անվանումներից, դրանց ֆունկցիաներից, դրանց էությունից և գործելաոճից, իրավասությունների և պարտականությունների ամբողջ համակարգից»: