Երիտասարդ բռնցքամարտիկները 3 մեդալ են նվաճել

Ուկրաինայի Բերդիչև քաղաքում ավարտվեց բռնցքամարտի` Կլիչկո եղբայրների անվան երիտասարդների միջազգային մրցաշարը: 
Հայաստանի երիտասարդների հավաքականը նվաճեց 3 մեդալ: 64 կգ քաշային Տոնի Գալստյանը եզրափակչում պարտվեց Վրաստանը ներկայացնող Էսկերխան Մադիևին և նվաճեց արծաթե մեդալ:
69 կգ քաշային Գուրգեն Մադոյանը և 91 կգ քաշային Գուրգեն Հովհաննիսյանը նվաճեցին բրոնզե մեդալ: Մադոյանը կիսաեզրափակչում պարտվեց ղազախ Սադրիդին Ահմեդովին, իսկ Հովհաննիսյանը Ուկրաինան ներկայացնող Վյաչեսլավ Գավիրլյուկին:
Հիշեցնենք, որ Հայաստանի երիտասարդների հավաքականի ավագ մարզիչ Վազգեն Բադալյանի գլխավորությամբ մրցավայր էին մեկնել 8 բռնցքամարտիկներ: