ՀՀ ՊՆ-ն ցավակցություն է հայտնում երեկ Արցախում մահացած 19-ամյա զինծառայողի ընտանիքին

ՀՀ պաշտպանության նախարարությունը խորին ցավակցություն է հայտնում սեպտեմբերի 16-ին ՊԲ կենտրոնական ենթակայության զորամասերից մեկում մահացու հրազենային վիրավորում ստացած զինծառայող Նարեկ Գառնիկի Փաթաթանյանի ընտանիքի անդամներին, հարազատներին և ծառայակիցներին: Այս մասին տեղեկանում ենք ՀՀ ՊՆ կայքից:

Հիշեցնենք, որ N զորամասի պարտադիր ժամկետային զինծառայող, շարքային Նարեկ Գառնիկի Փաթաթանյանը  16.09.2016թ.՝ ժամը 13:00-ի սահմաններում,  գլխի շրջանում հրազենային վնասվածք է ստացել եւ տեղափոխվել  զինհոսպիտալ, որտեղ ժամը 16:30-ի սահմաններում մահացել է:

 Կատարվել է դեպքի վայրի զննություն, ձեռնարկվել անհետաձգելի մի շարք քննչական գործողություններ։ Նախնական տվյալների հիման վրա՝ առաջին կայազորային քննչական բաժնում հարուցվել է քրեական գործ՝ մարտական հերթապահություն կրելու կանոնները խախտելու դեպքի առթիվ, կատարվում է նախաքննություն:

Yerkir.am-ի տեղեկություններով՝ Նարեկ Փաթաթանյանը Չարենցավանից էր՝ շախմատիստ, ԵՊՀ ուսանող: Նրա 19-ը բոլորել էր ընդամենը երեք օր առաջ՝ սեպտեմբերի 14-ին: