Եթե ևս 15 րոպե մնայի հյուրանոցում, կսպանվեի. Էրդողան

Թուրքիայի նախագահ Ռեջեփ Թայիփ Էրդողանը երկրում տեղի ունեցած ռազմական հեղաշրջման փորձի մասին հարցազրույց է տվել է CNN International-ին:

Ինչպես տեղեկացնում է Demokrathaber-ը՝ Էրդողանը հայտարարել է, որ մի քանի օրվա ընթացքում Ֆեթուլլահ Գյուլենին հանձնելու գրավոր պահանջ են ներկայացնելու ԱՄՆ-ին:

Հիշեցնենք, որ Անկարան հեղաշրջման փորձն իրականացնելու մեջ մեղադրում է Էրդողանի գլխավոր ընդդիմադիր Ֆեթուլլահ Գյուլենին, ով այժմ բնակվում է ԱՄՆ-ում:

ԱՄՆ-ի՝ Գյուլենին վերադարձնելուց հրաժարվելու հավանականության վերաբերյալ հարցին ի պատասխան Էրդողանն ասել է.«Մենք փոխադարձ պայմանավորվածություն ունենք հանցագործների արտահանձնման վերաբերյալ»:

Էրդողանն այնուհետեւ անդրադարձել է պետական հեղաշրջման փորձին, որի իրականացման օրը ինքը գտնվում էր Մարմարիսի հյուրանոցներից մեկում: Նրա խոսքով ՝այդ ժամանակ իրեն կսպանեին, եթե ինքը 15 րոպե ավել մնար այնտեղ:

 «Եթե Մարմարիսում 15 րոպե էլ մնայի, կսպանվեի»,-ասել է Թուրքիայի նախագահը: