Դավիթաշեն-Աշտարակ մայրուղու հողի օտարման և տարաբնակեցման նախագիծը կներկայացվի հաստատման

Կառավարության վաղվա նիստի օրակարգում քաղաքապետ Տարոն Մարգարյանը ներառել է որոշում, ըստ որի  հիմք ընդունելով Երևան քաղաքի 2005-2020 թթ. գլխավոր հատակագիծը և Երևանի Դավթաշեն վարչական շրջանի գոտևորման նախագիծը, Ասիական զարգացման բանկի ֆինանսավորմամբ իրականացվող Քաղաքային կայուն զարգացման ներդրումային ծրագրի Տրանշ 2-ի շրջանակներում նախատեսվող քաղաքային մայրուղու շինարարական աշխատանքները,  հավելվածներում նշված տարածքներում իրականացվող ճանապարհաշինական ծրագրերի նկատմամբ ճանաչել բացառիկ` գերակա հանրային շահ :

   «Հասարակության և պետության կարիքների համար սեփականության օտարման մասին» ՀՀ օրենքի 8-րդ հոդվածի 10-րդ կետով սահմանված կարգով անհրաժեշտ է, որպեսզի ուսումնասիրության համար նախատեսված ժամկետի ավարտից հետո՝ երեք ամսվա ընթացքում         ՀՀ կառավարության կողմից ընդունվի բացառիկ՝ գերակա հանրային շահ ճանաչելու մասին համապատասխան որոշում: Հետևաբար ՀՀ կառավարության կողմից 2015 թվականի դեկտեմբերի 3-ին ընդունվեց Դավթաշեն-Աշտարակ ճանապարհահատվածում առկա որոշ գույքերի և հողատարածքների նկատմամբ բացառիկ՝ գերակա հանրային շահ ճանաչելու մասին թիվ 1429-Ն որոշումը։ Վերջինիս ուժի մեջ մտնելուց հետո իրականացվեցին համապատասխան միջոցառումները և բացառիկ՝ գերակա հանրային շահ ճանաչված գույքերի և հողատարածքների սեփականատերերին ուղարկվեցին որոշման պատճենները, ինչպես նաև սեփականությունների նկարագրության արձանագրությունները։

Երևանի գլխավոր հատակագծի համաձայն նախատեսվում է կառուցել Դավիթաշեն-Աշտարակ ճանապարհահատվածը: Նախագծող ընկերության կողմից մշակվել է ճանապարհի ծրագիրը և ճանապարհի լայնական կտրվածքի մեծությունների ճշգրտման համար կատարվել է երթևեկության հոսքի ուսումնասիրություն՝ ըստ հատվածների:

  Ներկայումս ձեռնարկվում են համապատասխան միջոցներ՝ համաձայնագրով նախատեսված ծրագրի շրջանակներում իրականացման ենթակա աշխատանքները շարունակելու համար, ուստի     ՀՀ կառավարության հաստատմանն է ներկայացվում Դավիթաշեն-Աշտարակ հատվածում գույքերի և հողատարածքների  նկատմամբ բացառիկ՝ գերակա հանրային շահ ճանաչելու մասին նախագիծը: