Օլանդի վարսավիրը ստանում է այնքան աշխատավարձ, որքան Ֆրանսիայի նախարարները

Ֆրանսիայի նախագահ Ֆրանսուա Օլանդի վարսավիրը ստանում է ամսական 9895 եվրո աշխատավարձ, գրում է «Լը Փոյնթ»-ը: Ինչպես նշվում է, 46-ամյա Օլիվյեի հետ աշխատանքային պայմանագիրը ստորագրվել է 2012թ-ին` 5 տարով: Ըստ պայմանագրի պայմանների, վարսավիրը պետք է միշտ տեղում լինի նախագահի համար, ինչպես նաև պետք է ուղեկցի նախագահին արտասահմանյան ուղևորությունների ժամանակ: Թերթը նշում է, որ Օլանդի վարսավիրի աշխատավարձը մոտ է Ֆրանսիայի նախարարների  աշխատավարձին, վերջիններս  ստանում են  ամսական 9940 եվրո աշխատավարձ:

Ավելի վաղ Իսրայելի վարչապետ Բենյամին Նեթանյահուին քննադատել էին նրա համար, որ նա ծախսում է բյուջեի միջոցները իր սանրվածքի ու դիմահարդարման համար: