Ագրարայինում պոլիտեխնիկի համեմատ թեկնածու-դոցենտը ստանում է 2 անգամ պակաս աշխատավարձ

Հայաստանի ազգային պոլիտեխնիկական համալսարանի տարածած հաղորդագրության համաձայն շուրջ 66 տոկոսով բարձրացվել են պրոֆեսորադասախոսական անձնակազմի աշխատավարձերը:

Այսպես, գիտությունների թեկնածու-դոցենտի աշխատավարձը դարձել է 374․400 դրամ:

Yerkir.am-ի տեղեկություններով՝ Պոլիտեխնիկի հարևան բուհում՝ Հայաստանի ազգային ագրարային համալսարանում, գիտությունների թեկնածու-դոցենտը ստանում շուրջ 2 անգամ քիչ՝ 191․000 դրամ աշխատավարձ: Ագրարայինում մյուս խնդիրն էլ այն է, որ դասախոսների զգալի մասն աշխատում է ոչ լրիվ դրույքով կամ ժամավճարային կարգով:

Ի դեպ, ագրարային համալսարանի պրոֆեսորադասախոսական անձնակազմի աշխատավարձի վերջին բարձրացումն իրականացվել է 2019 թվականին: