Սերժ Սարգսյանը հարաբերական է ասել` 800 հեկտար. Սուրիկ Խաչատրյան

Այսօր լրագրողների հետ զրույցում Սյունիքի մարզպետ Սուրիկ Խաչատրյանը, պատասխանելով հարցին, թե ի՞նչ դիրքորոշում ունի կորցրած 800 հա տարածքի վերաբերյալ, զայրացավ ասաց. «Ո՞վ է չափել, էդ 800 հեկտարը ո՞վ է չափել»:

Լրագրողները պատասխանեցին, որ Սերժ Սարգսյանի հայտարարածն է: Սուրիկ Խաչատրյանն էլ ուղղեց խոսքը` ասելով. «Դա պայմանական, հարաբերական է ասվել՝ 800 հեկտար: Սերժ Սարգսյանը հո չի՞ ասել` 800 հեկտար: Ո՞վ է չափել, դա հարաբերական է ասվել»:

Սուրիկ Խաչատրյանի խոսքով՝ այդ կորցրած տարածքը անվտանգության գոտի է եղել, լուրջ մտահոգվելու խնդիր չկա:

Դիտարկմանը, որ մտահոգիչ է Թալիշի վիճակը, Սյունիքի մարզպետը հաստատակամորեն պատասխանեց, որ Թալիշում արդեն բնակվում են` բնակիչները վերադարձել են իրենց տները: