Երևանյան հյուրանոցներից մեկում ինքնասպան եղած տղամարդը որոշ ժամանակ առաջ անհետացել էր. մանրամասներ

Yerkir.am-ին նոր մանրամասներ են հայտնի դարձել մայիսի 22-ին երևանյան հյուրանոցային համալիրներից մեկում հոսանքահարվելու միջոցով ինքնասպան եղած տղամարդու վերաբերյալ: Մեր տեղեկություններով` մահացածն Աջափնյակ վարչական շրջանի բնակիչ` 37-ամյա Վահե Գրիգորյանն է: Նա երկվորյակ եղբայրներից մեկն էր, ամուսնացած չէր:

Երիտասարդի ծանոթները մեզ պատմեցին, որ նա շատ հավասարակշռված, համեստ, պարկեշտ երիտասարդ էր: Մահացածի հայրն էլ տարիներ առաջ էր մահացել` դառնալով դժբախտ պատահարի զոհ: Մեզ պատմեցին, որ որոշ ժամանակ առաջ Վահեն մոտ մեկ ամսով անհետացել էր, սակայն հարազատներն իրավապահներին չէին դիմել` մտածելով, որ հետ կգա: Որոշ տեղեկությունների համաձայն` նա ֆինանսական խնդիրներ ուներ:

Ավելի վաղ հայտնել էինք, որ, նախնական տեղեկություններով, տղամարդը մահացել է հոսանքահարվելու արդյունքում: Yerkir.am-ին հյուրանոցից հայտնեցին, որ տղամարդը համար էր վարձակալել մի քանի ժամով, տևական ժամանակ չէր արձագանքել, ինչն էլ տարօրինակ էր թվացել:

Դեպքի կապակցությամբ նյութեր են նախապատրաստվում, նշանակվել է փորձաքննություն: