Ճիշտ է, մենք նավթ չունենք, բայց ոգի ունենք. Գագիկ Գինոսյան

Ադրբեջանցիներին ազգ կոչելը վիրավորանք է, քանի որ տեսակին, որը զոհված զինծառայողի գլուխ է կտրում, մարդ չես կարող անվանել, ուր մնաց` ազգ. այսօր լրագրողներին ասաց «Կարին» ավանդական երգի-պարի համույթի գեղարվեստական ղեկավար Գագիկ Գինոսյանը:

Այս համատեքստում, ըստ նրա, անհասկանալի է որոշ գերտերությունների պահվածքը, որ աջակցում են Ադրբեջանին: «Աշխարհը լռում է, երբ Թալիշում 92-ամյա տատիկի ականջ են կտրում, երբ մահացած զինծառայողի գլուխ են կտրում: Մենք պետք է հասկանանք, որ այն, ինչ եղավ, մեր տղաների ոգու հաշվին էր, և հիմա մեզ ավելի զորեղ իշխանություն և դիվանագիտությւոն է պետք` տղաների անձնազոհության հաշվին կերտած հաղթանակը ջուրը չգցելու համար»,- կարծիք հայտնեց Գինոսյանը:

Ըստ նրա` պատերազմը երբեք էլ չէր դադարել, և այս օրերի դեպքերը պետք է ուղղակի սթափեցնող ազդակ լինեն, որ սկսենք փոխվել:

«Հայաստանը մանրադրամի է վերածվում այս խաղի մեջ, և մանրադրամի չվերածվելու համար պետք է ռազմաարդյունաբերության, գիտության զարգացման հիմքը դնել օր առաջ. պետության շոգեքարշը պետք է գիտությունը լինի: Մենք պետք է ունենանք այնպիսի պետություն, որը, եթե ընկերներ կունենա, լավ է, իսկ եթե չունենա էլ, ոչինչ, պետք է ինքնուրույն կարողանանք ոտքի կանգնել, քանի որ գիտենք` մեծերը փոքրերի ընկերը երբեք չեն լինում, քանի որ մեծերը մեծ էլ շահեր են ունենում»,- ասաց Գինասյանը:

Նրա կարծիքով` երկարատև պայքարի պետք է պատրաստվենք: «Ճիշտ է, մենք նավթ չունենք, բայց ոգի ունենք»,- համոզված է Գինոսյանը: