«Սկզբունքային լրագրություն» մրցանակը` New York Times-ի թղթակցին

Լրագրողների միջազգային կենտրոնը (ICFJ) «Ավրորա» մրցանակի հետ համատեղ New York Times-ի օտարերկրյա թղթակից Ռուկմինի Կալիմեկիին պարգևատրել է «Սկզբունքային լրագրություն» մրցանակով։

Մրցանակը Ռուկմինի Կալիմակիին շնորհվեց «Ավրորա» մրցանակաբաշխության ընթացքում՝ աշխարհով մեկ մարդկության դեմ իրականացված ոճիրները բացահայտելու գործում ցուցաբերած բացառիկ նվիրումի համար:

«Սկզբունքային լրագրություն» նորաստեղծ մրցանակը ճանաչման է արժանացնում այն խիզախությունը, նվիրվածությունն ու ազդեցությունը, որը լրագրողը ցուցաբերում է թեժ և հումանիտար ճգնաժամային իրադրությունում գտնվող կետերից լրատվություն տրամադրելիս։ Մրցանակակիրը պետք է վտանգի մեջ գտնվող մարդկանց թշվառ կացությունը լուսաբանելու գործում բացառիկ խիզախություն ցուցաբերի:

 Ըստ «Ավրորա» մրցանակի պաշտոնական կայքի՝ Կալիմակին բացահայտել է ԻԼԻՊ-ի կողմից սեռական ստրկության ինստիտուցիոնալացման սոսկալի փորձը, ցույց տվել, թե ինչպես էՍենեգալի ոսկու հանքերում երեխաների աշխատուժի շահագործումը կապվում շվեյցարական բանկերի հետ, և վերհանել Կոտ դ՝Իվուարից մինչև կառավարությունների և ապստամբ խմբավորումների կողմից իրականացված կոտորածները։