Նռնակը Ռոբերտ Քոչարյանի առանձնատան ուղղությամբ նետել են ավտոմեքենայից

ՀՀ քննչական կոմիտեի ՀԿԳ գլխավոր վարչությունում հարուցվել է քրեական գործ ՀՀ երկրորդ նախագահ Ռոբերտ Քոչարյանի առանձնատան բակի գլխավոր մուտքի ուղղությամբ ուսումնական նռնակ նետելու դեպքի կապակցությամբ: Այս մասին yerkir.am-ին հայտնեց ՀՀ քննչական կոմիտեի նախագահի խորհրդական Սոնա Տռուզյանը: Նրա խոսքով ՝ ահազանգը ստանալուն պես դեպքի վայր է մեկնել օպերատիվ-քննչական խումբը և ձեռնարկել անհրաժեշտ անհետաձգելի բոլոր գործողությունները՝ պարզելու դեպքի հանգամանքները:

«Նախնական տվյալներով` 18: 25-ի սահմաններում ավտոմեքենայի միջից երկրորդ նախագահի առանձնատան բակի գլխավոր մուտքի ուղղությամբ ուսումնական նռնակ է նետվել: Կատարվել է դեպքի վայրի զննություն, հարցաքննվել են բազմաթիվ վնակներ»,- ասաց Տռուզյանը՝ հավելելով,. որ կատարվում են քննչական-օպերատիվ հետախուզական միջոցառումներ առերևույթ հանցագործություն կատարած անձին հայտնաբերելու ուղղությամբ: