Թիվ մեկ խնդիրը Ադրբեջանին խաղաղություն պարտադրելն է. Աղվան Վարդանյան. Tert.am

Հիմա թիվ մեկ խնդիրը Ադրբեջանին խաղաղություն պարտադրելն է: Այս մասին այսօր  Ազգային ժողովում Tert.am-ի հետ զրույցում ասաց ՀՅԴ խմբակցության քարտուղար Աղվան Վարդանյանը՝ անդրադառնալով սահմանային լարվածությանը:

«Ես վստահ եմ, որ մեր պաշտպանական ուժերը նաև համահայկական այս համախմբումը շատ արդյունավետ է լինելու և կարողանալու ենք առնվազն վերականգնել ապրիլի 1-ի ստատուս քվոն»,- ասաց նա:

Ինչ վերաբերում է Վիեննայում կայանալիք Մինսկի խմբի համանախագահների հանդիպմանը, Վարդանյանն ասաց. «Այնպիսի լայնամասշտաբ գործողություններ են տեղի ունենում, որ բնական է, որ Մինսկի խումբը պետք  է քննարկեր այս հարցը: Երեկ ՀՀ նախագահն անհրաժեշտ բոլոր մեսիջները փոխանցեց ԵԱՀԿ անդամ երկրների դեսպաններին: Ցավոք, մինչև այսօր մենք միջազգային հանրությունից չունենք հասցեական գնահատականներ, թե ով է ագրեսորը և ով է սկսել այս գործողությունները»:

Մանրամասներն՝ այստեղ: