Արցախում մահացած զինծառայողը տան միակ տղամարդն էր. մանրամասներ

Yerkir.am-ի տեղեկություններով՝ այսօր առավոտյան ՊԲ հարավարեւելյան ուղղությամբ տեղակայված զորամասերից մեկի պահպանության տեղամասում տեղի ունեցած արտակարգ պատահարի հետեւանքով հրազենային մահացու վիրավորում ստացած` ՊԲ զինծառայող` 19-ամյա Թեմուր Սլոյանը Կոտայքի մարզի Պռոշյան գյուղից էր:

Yerkir.am-ի տեղեկություններով՝ Թեմուրի հայրը տարիներ առաջ է մահացել, իսկ մայրն աշխատում է հացի փռում: Մեզ հետ զրույցում Պռոշյանի գյուղապետ Արթուր Մուրադյանը հայտնեց, որ Թեմուրն ընտանիքի միակ արու զավակն էր. ունի երեք քույր:

«Շատ համեստ, աշխատող ընտանիք է: Դպրոցն ավարտելուց հետո գնացել է բանակ»,- ասաց նա և հավելեց, որ զինվորի դիակն այսօր Ստեփանակերտից կբերեն Պռոշյան:

Նշենք, որ դեպքի մանրամասները պարզելու համար կատարվում է քննություն: