Որոշ ժամանակ է պետք, որ Գալուստ Սահակյանն ապաքինվի. Արմեն Մուրադյան

ՀՀ առողջապահության նախարար Արմեն Մուրադյանի կարծիքով՝ ԱԺ նախագահ Գալուստ Սահակյանն այսօր դժվար թե դուրս գրվի հիվանդանոցից: Yerkir.am-ի հետ զրույցում նա ասաց, որ ԱԺ նախագահի վիճակը լավ է, որևէ խնդիր չկա, առույգ է:

«Ինքնազգացողությունը լավ էր, ուղղակի հիմա բժիշկների հսկողության տակ է գտնվում: Սահակյանը հիվանդանոց է դիմել զարկերակային ճնշման բարձրացմամբ, բժիշկները վերցրել են համապատասխան անալիզներ, հոսկողություն են սահմանել, նշանակել որոշակի բուժում»,- ասաց Մուրադյանը՝ հավելելով, որ այս պահին նրա վիճակը բավարար է, կայուն:

Հարցին, թե ե՞րբ դուրս կգրվի հիվանդանոցից, նախարարը պատասպանեց, որ որոշ ժամանակ է պետք, որ Սահակյանն ապաքինվի: