Նախօրեին կայացած ՏԻՄ ընտրություններն անվավեր ճանաչելու մասին դիմումներ չեն ստացվել. ԿԸՀ

2016թ. փետրվարի 14-ին տեղական ինքնակառավարման մարմինների ընտրություններ են կայացել Լոռու մարզի Թումանյան, Սյունիքի մարզի Տաթև և Տավուշի մարզի Դիլիջան համայնքներում:

 Այս մասին հայտնում են ՀՀ կենտրոնական ընտրական հանձնաժողովի մամուլի ծառայությունից։

Տեղական ինքնակառավարման մարմինների ընտրությունների քվեարկության արդյունքների վերահաշվարկի կամ քվեարկության արդյունքներն անվավեր ճանաչելու մասին դիմումներ համապատասխան ընտրատարածքային ընտրական հանձնաժողով կարող էին ներկայացվել փետրվարի 15-ին` մինչև ժամը 18.00-ն:

 Սահմանված ժամկետում վերահաշվարկի և քվեարկության արդյունքներն անվավեր ճանաչելու դիմումներ ընտրատարածքային ընտրական հանձնաժողովները չեն ստացել: