«Բանանց»-ը 4:0 հաշվով հաղթել է «Ալաշկերտ-2»-ին

Երևանի «Բանանց»-ը ստուգողական խաղում 4-0 հաշվով հաղթանակ է տոնել Հայաստանի առաջնության Առաջին խմբի առաջատար «Ալաշկերտ-2»-ի նկատմամբ: Այս մասին տեղեկացնում է «Բանանց» ակումբի մամուլի ծառայությունը: 

Հանդիպման բոլոր չորս գոլերը խփվել են առաջին կեսում: 10-րդ րոպեին խաղընկերոջ եզրային փոխանցումը կրունկով կատարած գեղեցիկ հարվածով եզրափակել է  Ացամազ Բուրաևը: Քիչ անց հակագրոհի ժամանակ Պետրոս Ավետիսյանը գեղեցիկ փոխանցմամբ դարպասապահի դեմ մեն-մենակ է դուրս բերել Զավեն Բադոյանին: Վերջինս օգտագործել է իր լավ հնարավորությունը՝ 2-0: Հանդիպման 36-րդ րոպեին կրկին իր հարձակողական ունակություններով է աչքի ընկել Ացամազ Բուրաևը: 26-ամյա հարձակվողը շատ լավ կողմնորոշվելով մրցակցի տուգանային հրապարակում գրավել է  դարպասի վերին անկյունում: Այս խաղում իր չորրորդ գնդակը «Բանանց»-ը խփել է գեղեցիկ գրոհի արդյունքում: Ացամազ Բուրաևը ստանալով գնդալը` մեկ հպումով այն ուղարկել է դեպի Հակոբ Հակոբյանը և 18-ամյա ֆուտբոլիստի հարվածից հետո գնդակը չորրորդ անգամ է հայտնվել դարպասում:

Երկրորդ կեսը նույնպես անցել է «Բանանց»-ի առավելությամբ: Վերջին 20 րոպեների ընթացքում խաղալու հնարավորություն են ստացել երիտասարդ ֆուտբոլիստներ Էդգար Մովսիսյանը, Վլադիմիր Բաբայանը, Գևորգ Խուլոյանը և Հովհաննես Իլանգյոզյանը: Երկրորդ կեսում դարպասի գրավում չի արձանագրվել: 

«Բանանց» - «Ալաշկերտ-2»` 4:0 (4:0)

Գոլերը՝ Ացամազ Բուրաև 10, 36, Զավեն Բադոյան 12, Հակոբ Հակոբյան 40