Թևան Պողոսյանի անունը հանեք. Փոստանջյանը կտրուկ է

ԱԺ «Ժառանգություն» խմբակցության պատգամավոր Զարուհի Փոստանջյանն այսօր խորհրդարանում լրագրողներին ասաց, որ, ի վերջո, ՄԻՊ-ի պաշտոնը կզբաղեցնի Հանրապետականի թեկնածուն: Ըստ նրա` վերջին փուլում առնվազն երկու թեկնածուների անուններ պետք է շոշոփվեն, որպեսզի մրցակցություն ծավալվի:

Դիտարկմանը, թե շոշափվում է նաև ՀԱԿ պատգամավոր, նախկին զինդատախազ Գագիկ Ջհանգիրյանի անունը, կա՞ հավանականություն, որ նա լինի այդ պաշտոնում, պատգամավորն արձագանքեց. «Ես այս պահին չեմ կարող պատասխան տրամադրել` ընդդիմությունը թեկնածու կունենա, թե` չի ունենա: Բայց, այնուամենայնիվ, պետք է որ ընդդիմությունը ներկայացնի իր թեկնածուին, որը կլինի իրական այլընտրանք»:

Հարցին, թե այդ թեկնածուն կլինի Զարուհի Փոստանջյա՞նը, թե՞ Թևան Պողոսյանը, նա պատասխանեց. ««Ժառանգություն»-ը կներկայացնի իր թեկնածուին: Կխնդրեի շրջանառությունից հանել Թևան Պողոսյանի անունը, քանի որ նա «Ժառանգություն» կուսակցությունից չէ և կապ չունի կուսակցության հետ»: