НТВ-ն հեռացրել է Պուտինայի հնարավոր ամուսնության մասին ռեպորտաժը

НТВ հեռուստաընկերությունը հունվարի 26-ին ռեպորտաժ էր ներկայացրել ՌԴ նախագահ Վլադիմիր Պուտինի նախկին կնոջ՝ Լյուդմիլա Պուտինայի ամուսնության վերաբերյալ խոսակցությունների մասին, որը, սակայն, կարողացել են տեսնել միայն Ռուսաստանի արևելքում. գրում է pithily.ru-ն:

Ռուսաստանի եվրոպական մասում ու Սիբիրում ռեպորտաժն այդպես էլ չի հեռարձակվել: НТВ-ի պաշտոնական կայքից նաև հեռացվել է ռեպորտաժի մասին ազդը:

Ռեպորտաժում պատմվում է Լյուդմիլա Պուտինայի հնարավոր ամուսնության մասին: Այդ լուրը ավելի վաղ հաղորդել էր «Собеседник»-ը: Սակայն նյութի հեղինակը նշում է, որ ամուսնության վկայականը մինչ օրս ոչ ոք չի տեսել:

Նշենք, որ Собеседник-ը, հիմնվելով այն փաստի վրա, որ  ՌԴ նախկին առաջին տիկնոջ անշարժ գույքի փաստաթղթերում  ազգանվան փոփոխություն է տեղի ունեցել, գրել էր, թե նա ամուսնացել է 37-ամյա Արթուր Օչերետնիի հետ: