Մեկնարկել է «Ալաշկերտ»-ի առաջին հավաքը. թիմում փորձաշրջան է անցնում օտարերկրացի ֆուտբոլիստ

Երեկ ՀՖՖ Տեխնիկական կենտրոնում՝ Ֆուտբոլի ակադեմիայում մեկնարկել  է «Ալաշկերտ»-ի առաջին ուսումնամարզական հավաքը: Ինչպես տեղեկացնում է ակումբի մամուլի ծառայությունը,   նախապատրաստական այդ գործընթացին ներգրավված են 23 ֆուտբոլիստ և նրանք մինչև հունվարի 29-ը գլխավոր մարզիչ Աբրահամ Խաշմանյանի ղելավարությամբ օրական երկու մարզում կանցկացնեն:
Հավաքին հրավիրված է և «Ալաշկերտ»-ում փորձաշրջան է անցնում օտարերկրացի մեկ ֆուտբոլիստ՝ Կարդոզո Ռիչարդ Կառլոսը: Վերջինս Լատինական Ամերիկայից է, ունի Ավստրալիայի քաղաքացիություն, իսկ նրա վերջին ակումբը եղել է Մալթայի Պրեմիեր Լիգայի «Նաքսար Լիոնս»-ը: Հավելենք, որ Կարդոզոն 29 տարեկան է, ունի 183 սմ հասակ, խաղում է ենթահարձակվողի և կիսապաշտպանի դիրքում: