«Պայթյունից տուժածների ազգությունը դեռևս անհայտ է». ԱՄՆ-ը և Անգլիան արձագանքել են Պոլսում տեղի ունեցած պայթյունին

Անկարայում ԱՄՆ-ի և Մեծ Բրիտանիայի դեսպաններ Ջոն Բաասն ու Ռիչարդ Մորն անդրադարձել են Պոլսում տեղի ունեցած պայթյունին, որի հետևանքով մահացել է 10 և վիրավորվել 15 մարդ:

Ըստ Demokrathaber-ի՝ ԱՄՆ դեսպան Բաասը հայտնել է, որ իրենք հետևում են միջադեպի զարգացումներին: «Մեր սրտերը տուժածների հետ են»,- ասել է ամերիկացի դեսպանը:

Մեծ Բրիտանիայի դեսպան Մորն այդ մասին Twitter-յան էջում է գրառում արել: Նա հայտնել է, որ կապ են հաստատել թուրք պաշտոնյաների հետ: Անգլիացի դեսպանը շուտափույթ ապաքինում է մաղթել պայթյունից տուժածներին՝ նշելով, որ պայթյունից տուժածների ազգությունը դեռևս անհայտ է:

Հիշեցնենք, որ ժամեր առաջ Կ.Պոլսի Սուլթանահմեդ հրապարակում անհայտ պատճառներով հզոր պայթյուն էր որոտացել: