ՀԱՊԿ քարտուղարը մտահոգ է` շփման գծում ստեղծված իրավիճակով

ՀԱՊԿ քարտուղար Նիկոլայ Բորդյուժան հայտարարել է, որ  Լեռնային Ղարաբաղի  շուրջ ստեղծված իրավիճակը լուրջ մտահոգություն է առաջացնում եւ անհրաժեշտ է կանխել իրավիճակի սրումը, տեղեկացնում է «ՌԻԱ Նովոստի»-ն:

«Մենք մեծ անհանգստությամբ ենք վերաբերվում առհասարակ նրան, ինչ այսօր կատարվում է Կովկասում, հատկապես ղարաբաղյան կոնֆլիկտի շուրջ, շփման գծում, նրան, որ արդեն ծանր հրետանի է գործադրվում, տանկեր, կան կան մարդկային կորուստներ: Ես կարծում եմ, որ մեր երկրների քաղաքական ռեսուրսը պետք է  ուղղվի նրան, որպեսզի թույլ չտրվի  իրավիճակի անկայունացում: Որպեսզի առանց այդ էլ  թեժ վիճակում գտնվող կոնֆլիկտը չվերաճի լայնածավալ զինված բախման»,- ասել է ՀԱՊԿ քարտուղարը:

Նա շեշտել է, որ այդ վտանգը սպառնում է ողջ Կովկասին:

Բորդյուժան նաեւ կոչ է արել ՀԱՊԿ անդամ երկրներին ջանքեր գործադրել իրավիճակը  խաղաղեցնելու եւ կրակոցները դադարեցնելու ուղղությամբ: