Այս շաբաթ շփման գծում տեղի են ունեցել զինված բախումներ

Դեկտեմբերի 20-ից 26-ն ընկած ժամանակահատվածում ղարաբաղա-ադրբեջանական հակամարտ զորքերի շփման գծում տեղի են ունեցել զինված բախումներ, որոնց ընթացքում, տարբեր տրամաչափի հրաձգային զինատեսակներից, ինչպես նաեւ 60, 82 եւ 120 միլիմետրանոց ականանետերից, ՀՀՆ-9, ՌՊԳ-7 ու ՀԱՆ-17 տիպի նռնականետերից, հայ դիրքապահների ուղղությամբ արձակվել է շուրջ 8000 կրակոց: Նշված ժամանակահատվածում ադրբեջանական զինուժը կիրառել է նաեւ 122 միլիմետրանոց Դ-30 հաուբից հրանոթ,  TR-107 տիպի ռեակտիվ հրթիռահրետանային եւ ԶՈւ-23-2 տիպի զենիթային կայանքներ:

ՊԲ առաջապահ զորամասերը լիակատար վերահսկողություն են պահպանում առաջնագծում եւ շարունակում վստահորեն իրականացնել մարտական հերթապահություն: