Ադրբեջանը հայտնում է 1 զոհի մասին

դրբեջանի ՊՆ մամուլի ծառայությունը  հայտնում է դեկտեմբերի 19-ին առաջնագծում «հայկական գնդակից» սպանված 1 զինծառայողի մասին: Նշվում է, որ սպանվել է զինծառայող Նուրմեմմեդզադե Իբրահիմ Էվեզ օղլուն: Ադրբեջանի ՊՆ-ն նաեւ հայտարարել է, որ անց գիշեր իրենց պատասխան կրակից հայկական կողմն, իբր, ունի 2 զոհ և 4 վիրավոր:

ԼՂՀ ՊԲ մամուլի ծառայության մամուլի խոսնակ Սենոր Հասրաթյանը Razm.info-ի հետ զրույցում հերքել է հայկական կորուստների մասին տեղեկությունը. «Հերթական քարոզչական քայլն է, անհիմն ապատեղեկատվություն: Պաշտպանության բանակը պարբերաբար իրազեկում է հանրությանն՝ առաջնագծում, ինչպես նաև Պաշտպանության բանակում կատարված իրողությունների մասին»: