Որոշ ֆուտբոլիստներ չեն հրավիրվի ազգային հավաքական. Վարուժան Սուքիասյան

Արդեն հայտնել ենք, որ ֆուտբոլի Հայաստանի ազգային հավաքականի գլխավոր մարզիչ է նշանակվել Վարուժան Սուքիասյանը: Yerkir.am-ի հետ զրույցում նորանշանակ մարզիչը խոսեց առաջիկա ծրագրերի մասին:

«Բարդ աշխատանք է սպասվում, բայց ես մաքսիմալիստ եմ: Պետք է հավաքականին հանել այս վիճակից: Հավաքական եմ  հրավիրելու խաղային պրակտիկա ունեցող և ազգասեր ֆուտբոլիստների, որոնք կնվիրվեն հավաքականին:  Թարմ լիցքեր է պետք հաղորդել և դուրս հանել պարտվողի հոգեբանությունը: Հավաքականում փոփոխություններ կլինեն անպայման: Ֆուտբոլիստներ կհրավիրվեն նաև հայկական ակումբներից: Ինձ թվում է ավելի լավ ֆուտբոլ կխաղանք: Ուժերիս չափով ամեն ինչ կանեմ: Ընկերական հանդիպումներ պետք է անցկացնենք, սակայն առանց դրա էլ պարզ է, որ մի քանի ֆուտբոլիստներ հանդես չեն գա հավաքականում»,- ասաց Սուքիասյանը:

Նորանշանակ մարզիչը չցանկացավ կոնկրետ նշել, թե որ ֆուտբոլիստների մասին է խոսքը: