Սեյրան Սարոյանը Սերժ Սարգսյանին «ամեն տեղ էլ» տեսնում է

Այսօր լրագրողները ՀՀ-ական պատգամավոր Սեյրան Սարոյանից հետաքրքրվեցին, թե` որտե՞ղ եք տեսնում նախագահ Սերժ Սարգսյանին: «Տո ամեն տեղ էլ տեսնում եմ, եթե ինձ եք հարցնում»,- ասաց նա:

Լրագրողները հարցրեցին նաև վերջերս Մանվել Գրիգորյանի անվան հետ կապված միջադեպի մասին: Հիշեցնենք, որ օրեր առաջ Ազատության հրապարակում մի քաղաքացի, ներկայանալով որպես ազատամարտիկ, հարցազրույց էր տվել լրատվամիջոցներին, որում վիրավորել էր Մանվել Գրիգորյանին: Գեներալի երկրապահ կողմնակիցները հաջորդ օրը եկել էին Ազատության հրապարակ և ծեծի ենթարկել այդ քաղաքացուն:

Սեյրան Սարոյանը նշեց, որ ինքն այդ մարդուն, որպես ազատամարտիկ, չի ճանաչում, և որ ծեծը, որպես մեթոդ, մնում է ամենավերջում: «Բա կարելի ա՞ ազգի զորավարին վիրավորել նման խոսքերով, թող ասեր` լավ քաղաքական գործիչ չի, բայց ինչի՞ ա վիրավորում մարդուն»,- ասաց նա: