Էրդողանը սպասում էր Պուտինին անգամ զուգարանի մոտ. Коммерсантъ

Արդեն հայտնել ենք, որ երեկ Փարիզում մեկնարկած` Կլիմայի հարցերով համաժողովի շրջանակում չի կայացել Պուտին-Էրդողան հանդիպումը:

ՌԴ նախագահ Վլադիմիր Պուտինը փաստացի մերժել է Թուրքիայի նախագահ Էրդողանի` հանդիպման մասին առաջարկը:

Համաժողովին ներկա եղած` Коммерсантъ-ի թղթակիցը պատմել է, թե ինչպես էր Թուրքիայի նախագահ Ռեջեփ Թայիփ Էրդողանը փորձում  համաժողովի շրջանակում հանդիպել ՌԴ նախագահի հետ՝ «նրան սպասելով անգամ զուգարանի մոտ»:

Լրագրողի խոսքերով` Թուրքիայի նախագահը աննպատակ «թափառում» էր  միջանցքներում` անտեսելով լրագրողների հարցերը: Էրդողանն անգամ բաց է թողել համաժողովի լիագումար նիստը. նա սպասել է Պուտինին դահլիճի դռների մոտ, որտեղ ՌԴ նախագահը երկկողմ հանդիպում է անցկացրել:

Հանդիպման վերջին փորձը, ըստ լրագրողի, Էրդողանն արել է զուգարանի մոտ, սակայն` ապարդյուն: