Էմանուել Ճգնավորյանը` Սիբելիուսի անվան ջութակահարների մրցույթի եզրափակիչ փուլում

Նախօրեին Հելսինկիում հայտարարվել են Յան Սիբելիուսի անվան ջութակահարների 2015թ. մրցույթի եզրափակիչ փուլ անցած մասնակիցների անունները: Այս մասին տեղեկանում ենք  մրցույթի պաշտոնմական կայքից:

Եզրափակիչ անցած 6 մասնակիցներից մեկը անվանի դիրիժոր Լորիս Ճգնավորյանի որդին է` Էմանուել Ճգնավորյանը:

Էմանուելը մրցույթին ներկայացնում է Ավստրիան, նրա հետ եզրափակիչ են անցել Մայումի Քանազաուան /Ճապոնիա/, Քրիսթըլ Լին /ԱՄՆ/, Ֆրիդրիխ Սթարլովը /Գերմանիա/, Մինամի Յոշիդան /Ճապոնիա/ և Նենսի Ժուն /ԱՄՆ/:

Եզրափակիչ փուլի համերգները տեղի կունենան դեկտեմբերի 1-3-ը:

Ի դեպ, առաջին հորիզոնականը զբաղեցնող երաժիշտը կստանա 25 000 եվրո պարգևավճար և միջազգային մի շարք կարևոր համերգների մասնակցության հնարավորություն, այդ թվում` Ֆինլանդիայում կայանալիք` Սիբելիուսի 150-ամյակին նվիրված համերգի շրջանակում մեկ կատարում `Սիբելիուսի և ֆիննական ռադիոյի սիմֆոնիկ նվագախմբերի հետ համատեղ: