Փարիզում փնտրում են ֆրանսահայ հոր եւ աղջկա, ովքեր եղել են «Բատակլանում»

Փարիզում փնտրում են երկու ֆրանսահայերի` 17-ամյա աղջկա և նրա հորը. այս մասին «Արմենպրես»-ին տեղեկացրել է Կենտրոնական Ֆրանսիայի տարածաշրջանային խորհրդարանի պատգամավոր Հիլդա Չոբոյանը: «Փնտրվում են Լոլա Ուզունյանը (17 տարեկան) և նրա հայրը, որոնք «Բատակլան» համերգասրահում էին նոյեմբերի 13-ի երեկոյան»,- տեղեկացրել է Չոբոյանը:

Եվս երկու հայ երիտասարդներ ահաբեկչության պահին եղել են «Բատակլան» համերգասրահում, սակայն հրաշքով փրկվել են տեղի ունեցած ահաբեկչությունից: Ահաբեկիչների ներխուժման պահին նրանք սրահում չեն եղել, և հրազենի ձայնը լսելով` փախուստի են դիմել:

 Փարիզում իրականացված ահաբեկչական գործողությունների արդյունքում, որոնց հետեւանքով զոհվել է 129 մարդ,  ՀՀ քաղաքացիների կամ հայերի տուժած լինելու մասին տեղեկություններ դեռևս չկան: