Արմավիրում գործող բարեգործական կազմակերպությունում 1 ամսական երեխա է մահացել

Այսօր դժբախտ դեպք է տեղի ունեցել Արմավիրի մարզում: Ժամը 03:00-ի սահմաններում ոստիկանության Վաղարշապատի բաժին ահազանգ է ստացվել, որ Պտղունք գյուղում գտնվող «Արմենիան Լայթհաուս» բարեգործական կազմակերպությունում 1 ամսական երեխա է մահացել: Այս տեղեկությունը yerkir.am-ի հետ զրույցում հաստատեցին  բարեգործական ընկերությունից՝ նշելով, որ դեպքի մանրամասները կներկայացվեն ավելի ուշ:

Նախնական տեղեկություններով՝ գիշերը մայրը երեխային մահացած է հայտնաբերել:

Նշենք որ հայ-ամերիկյան «Արմենիան Լայթհաուս» հիմնադրամը զբաղվում է Հայաստանում ամուսնացած, այնուհետև լքված կանանց աջակցությամբ, ովքեր մեծ դժվարությունների առջև են կանգնում իրենց երեխաներին պահել-մեծացնելու հարցում:

Դեպքի կապակցությամբ ոստիկանության Վաղարշապատի բաժնում հետաքննություն է ընթանում: Նշանակվել է դիակի դատաբժշկական փորձաքննություն: