Զոհված զինծառայողների ընտանիքներին արտոնությունների տրամադրման գործընթացը փոփոխության ենթարկվեց

Կառավարության այսօրվա նիստում համաձայնություն տրվեց «Հայրենական մեծ պատերազմի մասնակիցների և հաշմանդամների, այլ պետությունների տարածքներում մարտական գործողությունների մասնակիցների, զոհված զինծառայողների ընտանիքների արտոնությունների և երաշխիքների փոխադարձաբար ճանաչման մասին» 1994 թվականի ապրիլի 15-ի համաձայնագրում փոփոխություններ և լրացումներ կատարելու մասին» արձանագրության կնքման առաջարկությունը:

Նշենք, որ արտոնություններն ու երաշխիքները տրամադրվում են բնական տեսքով կամ դրամական վճարումների տեսքով՝ համաձայնագրի մասնակից պետությունների ազգային օրենսդրության համապատասխան:

Հիվանդությունների, դժբախտ պատահարների, վնասվածքների, թունավորումների և հիվանդի կյանքին սպառնալիք ներկայացնող այլ իրավիճակների դեպքում բժշկական կազմակերպություններում (հաստատություններում) շտապ բժշկական օգնության անվճար ստացումն իրականացվում է կացության պետության ազգային օրենսդրության համապատասխան՝ առանց կողմերի ծախսերի փոխադարձ փոխհատուցման:

ՀՀ աշխատանքի և սոցիալական հարցերի նախարարությունը նպատակահարմար է գտնում նշյալ արձանագրության կնքումը, քանի որ այն հստակեցնում է սահմանված արտոնությունների և երաշխիքների տրամադրման գործընթացը: