Դովլաթովի ընտանիքը հետևանքները գիտակցելով էր այցելել ԼՂՀ

Արդեն հայտնել ենք, որ Ադրբեջանի ԱԳՆ-ն մտադիր է իր հայտնի «սեւ ցուցակում» ներառել գրող Սերգեյ Դովլաթովի ընտանիքի անդամներին: Պատճառն այն է, որ գրողի կինը՝ Ելենա Բրոդսկայան, և դուստրը՝ Կատերինա Դովլաթովան, այցելել են ԼՂՀ: Ի դեպ, Դովլաթովի դուստրը Facebook-ի իր էջում հեգնանքով էր մեկնաբանել Ադրբեջանի այս որոշումը:

Yerkir.am-ին ԼՂՀ մշակույթի նախարարությունից տեղեկացրին, որ Դովլաթովի ընտանիքը գիտակցաբար էր այցելել Արցախ` իմանալով հնարավոր «հետևանքները»: «Նրանք այցելել են Շուշի, Գանձասար, տեսարժան վայրերով զբոսնել, հետո արդեն ֆիլմի` «Դովլաթովի հինգ անկյունները» փակ դիտմանն են եղել: Մի խոսքով` նրանք գիտեին` ուր են գալիս»,- ասացին նախարարությունից: